.comment-link {margin-left:.6em;}
Monday, July 24, 2006
تــــــــذكـــــــــريـــــــن
تــــــــذكـــــــــريـــــــن
كلمات : الشاعر عبد الرحمن رفيع
-----------------------------------
تذكرين يوم ان وقفت تحت الدريشه..... وانتي من بين الدريشه تبصبصين
انا من يومها على بيتكم ادور ..... آآآآحسد الطالع من بابكم والي يزور
وش كثر خليت اخوك يلعب معاي ..... حتى انه يوم سألني انت ليش رايح وجاي
وهو ما يدري يقول تبي مين؟؟؟ تذكرين
تذكرين يوم ما لقيتك في طريق ..... وانا واقف في كتر وياي صديق حتى انك يوم تقابلنا ابتسمتي ..... بسمه فيها كل الاشواق والحنين
والتفت صاحبي يقولي هذي مين ..... قلت له من ذي ؟؟ هذي وحدة صاحبة اختي من سنين
تذكرين تذكرين يوم عيد اضحى ..... يوم جيتو انتي واهلك زايرين
عرفتني ريحه الخنة عليكم ..... دوختني ورد ورازجي وياسمين كنت انا بعيدين يومها ..... عيد حضوركم عندنا في بيتنا وعيد المعايدين
تذكرين دزة فلانه تذكرين السنطوانة ..... وجلستك حول العروس
القمر ليتلها كان ضاوي الجبين شال قلبي من مكانة ...... ضيع نجوم السماء خلاها سوداء ما تبين
احنا وين اليوم من هذا الي راح ..... ليش كبرنا صرنا ما نعرف بعضنا كانت الايام تركض واحنا
نركض ..... ليش وقفنا اسالي قلبك عساة في يوم يلين تذكرين .....
-----------------------
القصيدة بصوت الشاعر
أضغط-هنا

 
posted by Fuzzy at 11:22 PM | Permalink |


12 Comments:


  • At July 25, 2006 5:53 PM, Blogger the tooth.fairy

    احنا وين اليوم من هذا الي راح ..... ليش كبرنا صرنا ما نعرف بعضنا كانت الايام تركض واحنا
    نركض ..... ليش وقفنا اسالي قلبك عساة في يوم يلين تذكرين .....


    هذا مقطعي المفضّل ..

    محزنّ هو الموقف الذي يجمع بين اثنين، احداهم بالكاد يذكر الآخر(أو يتعمد عدم التذكر)،والثاني يحمل في طي أفكاره كل الذكريات. ذكرى كل نظرة و كل ابتسامة وكل كلمة قيلت.

    قصيدة بسيطة عفوية تحمل بين أسطرها أطلال ذكريات و بقايا آهات

     
  • At July 25, 2006 6:31 PM, Blogger شرقاوي

    بها القصيدة نبشت حس كان مدفون ...

    قواك الله...

     
  • At July 25, 2006 6:48 PM, Blogger kitty

    يحلوه ويا حلو زمانه كلامه وسوالف احجياته ممتعه :) الله يخليه ويحفظه

     
  • At July 25, 2006 11:50 PM, Blogger فيزوقراطي

    وايد مؤثرة القصيدة.

    هذي اول زيارة لي لهذه المدونة، مواضيعها جميلة وسلسة. عجبتي وايد :)

     
  • At July 26, 2006 12:39 AM, Blogger Fuzzy

    b u t t e r f l y

    مافي شي مضمون بهالزمن .. اللي اليوم يكون صديق باجر يصير عدو


    شرقاوي

    طلّع اللي بقبلك طلعه :) حياك الله


    kitty
    اي طريقته في القاء الشعر حلوه وممتعه ولهنا عليه


    me

    اي أعرفه البيت في البحرين وايد حلو تصميمه بس ما دخلت داخله
    بالنسبة لموضوع ولي العهد ولون بشرته .. هل تعتقدين أن اللون يفرق ؟
    ومن ناحية السيدة الاولي ... نساء الاسرة الحاكمة كل من تقوم بدورها مثل الشيخة أمثال اخت الامير . انا كل يوم أمر على مدونتك بس ما شفت أي موضوع عن قطر .. نبي تغطيه عن الامور الداخليه عندكم :)


    فيزوقراطي
    حياك الله أخوي وعسى تتكرر زياراتك :)

     
  • At July 26, 2006 2:01 AM, Blogger Bella Color

    Wow!!! He was head over heels over her!

    I bet she didnt know what she was missing...

    The words are the poem are simple, but sweet :)

     
  • At July 26, 2006 2:21 AM, Blogger mishari

    الله يطول بعمره
    اذكره من لم كنت صغير احب قصايده

    هذى وحدة من قصايدة على واقعنا
    ___________________________________.
    أهم ركبوا للقمر
    داسوا عليه، رفعوا علمهم
    راحوا بعيد، و تعدوا كل حدود
    و إنت طول عمرك قضية
    مالها حل في الوجود
    و اتكهرب !
    و إتقلب !
    لين سألناك : إنت حي ؟!
    إنت حي !!
    يا زمان الوصل حي
    و اتلفت و آتفتت و آنا حي
    و يصرخ الرويش : حي
    منا أول آدمي يطير في الهوا
    و منا أول من تكحل و إكتشف
    للشيب دوا
    منا عنتر، و الغنضنفر
    يده ألف سيف تكسر
    و منا منا و منا منا
    كل شيء !
    و العرب ما خلو شي !!
    من هو قال : إنك بهيمة ؟!
    من هو قال : إن المصيبة، فيك عظيمة ؟!
    إنت قلته
    قلته ما كنت، و لا مثلك بيكون
    إنت كل ما جمعه الليل الطويل ،
    طول القرون تدبي فوق ساقين صحيح
    و إتناسل هم صحيح
    يا يبه و انت اللي فوق الراس
    علينا ما تهون
    يا يبه، وقف عن الدنيا ،
    و سكتها الطويلة
    إللي يمشي فيها مثلك
    يــوقف ، أحسن له السكون
    تمشي خطوة ، خطوة وحدة
    و غيرك يشق السماء أبغمضة عيون
    يا يبه كم صار لك راقد ؟
    ألف سنة ، ألفين سنة . . .
    هذي كله إرقاد
    أو هذي منون ؟ ! !
    أهم زرعوا
    أهم صنعوا
    الله ساقيهم هل الكفر
    يزرعون و يصنعون
    يصنعون كل شي
    من الطيارة لي عود الأذون
    و إحنا مول ما نحرك إبرة
    الله عاطينا مفاتيح الحضارة
    و السحارة
    إشحن المركب ذهب أسود و هم كاش يدفعون
    يدفعون و يضحكون
    و إحنا نغرف
    و إحنا نصرف
    خير من الله ، قدره لا بد يكون
    و اللي ما يعجبه ، يروح يشرب له مَي
    و العرب ما خلوا شي ! !
    عقرب الساعة يتحرك
    و الأوادم يركضون واحد يغمض و يطيح
    واحد يفتح و يضيح
    إركض إركض، الأوادم يركضون
    إللي يوقف لحظة، يتأخر شهر
    و اللي يتأخر شهر، يوقف قرون
    إركض إركض ، الأوادم يركضون
    بالعمل بــــس
    لو توحدنا و عملنا
    نقدر نغير، قوانين الطبيعة
    و نقلب الصحراء، إلى نيل و فرات
    و نستحق دور في الحياة
    .

    تحياتى للموضوع الشيق

     
  • At July 26, 2006 5:58 AM, Blogger Common_Sense

    Nice one, coool a7la shay elee 7ased elee 6ale3 wellee nazeel. akheeeeh ;p

     
  • At July 26, 2006 12:13 PM, Blogger Fuzzy

    bella color

    اللي يبينا عيت النفس تبغيه..... واللي نبيه عيا البخت لا يجيبه



    mishari

    مشكور على القصيده :) أول مره أقراها تسلم



    me

    نعم مسألة اللون صدفة ... من ناحية السيدة الاولى اعتقد انه منصب شرفي والظهور الرسمي لاي سيدة اولى مسأله تقديرية راجعة لها . نعم توفت الشيخة سلوى رحمها الله بنت سمو الامير . بعد شنو في بالج ؟ مثل ما قلت .. ما عندنا شي نحاول اثباته لكي نتسائل أين السيدة الاولي ، الكويت دولة حرة وشعبها يتمتعون بقدر كبير من الديموقراطية نساء ورجال


    common sense

    اهم شي انها عجبتك وعلى زاوئك ( ذوقك) هاهاها :)

     
  • At July 27, 2006 5:29 AM, Anonymous shushu

    Fuzzy said...
    b u t t e r f l y

    مافي شي مضمون بهالزمن .. اللي اليوم يكون صديق باجر يصير عدو

    فزي ليش متشائم اللي ماله اول ماله تالي
    بس صراحه القصيده عجيبه

     
  • At July 29, 2006 8:40 AM, Blogger DiiGMaa

    amoot 3ala hal sha3er !!!

     
  • At July 29, 2006 9:30 PM, Blogger Blossom

    Ahh love it :)

     

Links to this post:

Create a Link